प्रदीप खड्का

प्रदीप खड्का एक नेपाली अभिनेता, मोडल र नेपाली चलचित्रका निर्माता हुन्, जो चलचित्र 'प्रेम गीत' पछि सफल स्थापित भएका थिए। उनले सन् २०११ मा अभिनेता र निर्माताको रूपमा चलचित्र 'इस्केप'बाट चलचित्र क्षेत्रमा पाइला राखेका थिए।

बाल्यकाल र शिक्षा

ललितपुरको कुसुन्तीमा सन् १९९२ मार्च १० मा जन्मिएका प्रदीप खड्काको बाल्यकाल जन्मस्थान कुसुन्तीमै बितेको थियो। प्रवेशिका सम्मको अध्ययनपछि प्रसिद्धि एकाडेमीमा भर्ना भएका उनले त्यहाँबाट ब्यवस्थापनमा प्लस टु पूरा गरका थिए। उनले बजार ब्यापार प्रवन्धन विषयमा विद्यावारिधी हासिल गरेका छन्। सिक्किम मनिपाल विश्वविद्यालयबाट मान्यता प्राप्त लर्ड बुद्ध एजुकेसन फाउण्डेसनबाट उनले विद्यावारिधी पूरा गरेका थिए। चलचित्र क्षेत्र बाहेक उनले केही समय गैरसकारी संस्थामा समेत काम गरेका थिए।

चलचित्र यात्रा

प्रदीप खड्काको सानै उमेरदेखि चलचित्रमा अभिरुची रहेको थियो। त्यसैले पनि उनले आफ्नै उत्पादन गृह सुरु गरेको उनले विभिन्न मिडियाहरूसँगको अन्तरवार्ताका क्रममा भनेका छन्। उनले सन् २०११ मै प्रदीप मिडिया सुरु गरेका थिए। उनको पहिलो चलचित्र इस्केप पनि यही प्रोडक्सनबाट तयार भएको थियो। यस चलचित्रमा रिमा विश्वकर्माले नायिकाको भूमिकामा अभिनय गरेकी थिइन्। तर उनको यो चलचित्र सफल हुन सकेन।

सन् २०१५ मा प्रेम गीतको समूह नयाँ अभिनेताको खोजीमा थियो। प्रदीपले त्यसमा अडिसन दिए र छनोट पनि भएका थिए। उनको यो चलचित्रले बक्स अफिसमा राम्रो व्यापार गर्‍यो र उनी लोकप्रिय बन्न पुगे। प्रेम गीतको सफलतापछि त्यसैको भाग २ को रूपमा सोही टोलीले प्रेम गीत २ को निर्माण गरेको थियो। यस चलचित्रमा पनि प्रदीप खड्का नै नायकको भूमिकामा उत्रिएका थिए। यो चलचित्र पनि बक्स अफिसमा एक ब्लकबस्टर चलचित्रको रूपमा गनिएको थियो। सन् २०१८ मा आएर अर्को चलचित्र लिलि बिली पनि प्रदीपको निकै सफल चलचित्र बनेको थियो। यसमा प्रियङ्का कार्की, जसिता गुरुङले मुख्य भूमिकामा रहेका थिए।

त्यसपछिको उनको चलचित्र रोजले पनि चर्चा बटुल्न सफल भएको थियो। यस चलचित्रमा उनले मिरुना मगरसँग अभिनय गरेका थिए। त्यसपछि उनले अभिनय गरेको चलचित्र लभ स्टेसनको बजारमा ब्यापक चर्चा रहेको थियो र चलचित्र सफल भएको निर्माताको दावी रहेको थियो।

पुरस्कारहरू

• 'एलजी चलचित्र पुरस्कार २०७५ (चलचित्र लिलिबिलिबाट - लोकप्रिय अभिनेता)

अभिनित चलचित्रहरू

सङ्केत

नेपाली विश्वकोशका सम्पादकहरू। “प्रदीप खड्का।” नेपाली विश्वकोश, २६ सेप्टेम्बर २०२६, https://nepaliencyclopedia.com/nepali-encyclopedia/%E0%A4%AA%E0%A5%8D%E0%A4%B0%E0%A4%A6%E0%A5%80%E0%A4%AA_%E0%A4%96%E0%A4%A1%E0%A5%8D%E0%A4%95%E0%A4%BE। हेरिएको: १२ नोभेम्बर २०२६।

Nepali Encyclopedia Editors. (2026). प्रदीप खड्का. In Nepali Encyclopedia. Retrieved 2026-11-12, from https://nepaliencyclopedia.com/nepali-encyclopedia/%E0%A4%AA%E0%A5%8D%E0%A4%B0%E0%A4%A6%E0%A5%80%E0%A4%AA_%E0%A4%96%E0%A4%A1%E0%A5%8D%E0%A4%95%E0%A4%BE

@misc{ne_616,
  title = {प्रदीप खड्का},
  author = {{Nepali Encyclopedia Editors}},
  howpublished = {\url{https://nepaliencyclopedia.com/nepali-encyclopedia/%E0%A4%AA%E0%A5%8D%E0%A4%B0%E0%A4%A6%E0%A5%80%E0%A4%AA_%E0%A4%96%E0%A4%A1%E0%A5%8D%E0%A4%95%E0%A4%BE}},
  year = {2026},
  note = {Accessed 2026-11-12}
}